Атамбаев ісі: Сот Қырғызстанның экс-президентін ақтады

29 маусым 2022 00:35 Бек Байтас

epa08503316 (FILE) - Former Kyrgyz President Almazbek Atambayev attend a parade on the occasion of Kyrgyzstan's Independence Day, in Bishkek, Kyrgyzstan, 31 August 2016. According to news reports on 23 June 2020, a Kyrgyz court has sentenced former President Almazbek Atambaev to 11 years and two months in prison for the illegal release of notorious crime boss Aziz Batukaev in 2013. Atambaev, the first Kyrgyz president sentenced in the Central Asian nation's history, has denied any wrongdoing throughout the case. EPA/IGOR KOVALENKO

Сот Қырғызстанның экс-президенті Алмазбек Атамбаевты 2020 жылдың қазан айында жаппай тәртіпсіздіктерді ұйымдастыру ісі бойынша ақтап шықты.

«Бішкекектің Первомай аудандық соты Алмазбек Атамбаевты 2020 жылдың қазан айында Бішкектегі жаппай тәртіпсіздіктер ұйымында кінәсіз деп тану туралы қаулы шығарды және оны қылмыс құрамының болмағаны үшін ақтады», — деді сот үкім оқу кезінде.

Сондай-ақ, сот экс-президент Атамбаевтың кеңесшісі Фарид Ниязовты, елдің ішкі істер министрінің бұрынғы орынбасары Курсан Асановты, Атамбаевтың оққағары Қанат Сағымбаевты ақтады.

Атамбаевқа қатысты бұлтартпау шарасы шешім заңды күшіне енгеннен кейін жойылатын үй қамағына өзгертілді. Алайда, Атамбаев абақтыда қалады, өйткені 2013 жылы қылмыс әлемінің серкесі Азиз Батукаевты заңсыз түрмеден босату туралы іс бойынша үкім әлі шығарылмаған.

Естеріңізге сала кетейік, 2020 жылы Қырғызстанда парламенттік сайлау өтті, оның қорытындысы азаматтардың наразылығын тудырды.

Митингілер тәртіпсіздіктерге ұласып, нәтижесінде 5-6 қазанға қараған түні Атамбаевты сол кездегі ҰҚК тергеу изоляторынан адамдар шығарып алған еді.

Тергеу материалдарына сәйкес, босату заңсыз болған. 9 қазанда Атамбаев пен жоғарыда аталған саясаткерлер өздерінің жақтастары мен Садыр Жапаровты қолдаушылар арасындағы қақтығыспен аяқталған митинг өткізді.

Жаңалықтар

барлық жаңалықтар