«Қатаң шара қолданамыз». Президент қауіпсіздік күштеріне ескерту жасады

Экономикалық ресурстардың заңсыз шоғырлануына және заңсыз алынған мүлікті қайтаруға қарсы іс-қимыл жұмыстары басталды. Бұл туралы ҚР президенті Қасым-Жомарт Тоқаев айтты.

«Соңғы уақытта белсенділігі айтарлықтай төмендеген тиісті комиссиялар құрылды. Тауар нарықтарын монополиясыздандыруға және капиталды қайтаруға бағытталған жедел шаралар қабылдау қажет» деді Қасым-Жомарт Тоқаев Үкіметтің кеңейтілген отырысында.

Мемлекет басшысының айтуынша, адал кәсіпкерлікке ешқандай қысым көрсетілмеуі керек.

«Бірақ бізде мұндай фактілер бар – жергілікті жерлерде кәсіпкерлерге қысым әлі де жалғасуда. Бұлай жалғаса берсе, тәртіп сақшыларының өздеріне қатаң шара қолданамыз» деді Тоқаев.