«ҰАТ» АҚ қызметкерлері «Зерде» ұлттық холдингі басшысының қысымына шағымданды

Хат авторлары «Ұлттық ақпараттық технологиялар» АҚ-дағы заңсыз тексерулер, психологиялық қысым және кадрлық өзгерістер туралы мәлімдеді.

«Ұлттық ақпараттық технологиялар» АҚ (ҰАТ) қызметкерлері Қасым-Жомарт Тоқаевқа, Нұрсұлтан Назарбаевқа, Ғизат Нұрдәулетовке олардың құқықтарын қорғау туралы өтінішпен жүгінді.

Хатта Арман Абдрасилов құрамына ҰАТ кіретін «Зерде» холдингінің төрағасы болғаннан кейін компания жоспардан тыс тексерулер жүргізе бастағаны, бұрынғы басшылық құрамының жұмыстан шығарылғаны айтылады.

«Зерде» холдингінің төрағасы Асқар Абрасилов компания өз қызметкерлері арасында қысқартулар жүргізіп жатқанын растады, бірақ бұл компанияның оңтайландыруымен байланысты екенін атап өтті.

Алайда басшы тағылған барлық айыптауларды жоққа шығарды. Оның айтуынша, үндеуде тек бір адамның қолы бар. Холдинг төрағасы хат авторын сотқа беруді жоспарлап отыр.

«Зерде» холдингі барлық мүдделі тараптар мен журналистердің қатысуымен кездесу өткізуді жоспарлаған, бірақ ол әлі жүзеге аспады.