Қасым-Жомарт Тоқаев сәулетші Жандарбек Мәлібекұлын мерейтойымен құттықтады

Қазақстан президенті Қасым-Жомарт Тоқаев сәулетші Жандарбек Мәлібекұлын мерейтойымен құттықтады.

Еске салсақ, биыл мемлекеттік рәміздердің бекітілгеніне 30 жыл. Ал бүгін Елтаңба авторы, қоғам қайраткері, белгілі сәулетші Жандарбек Мәлібекұлы 80 жасқа толды.

«Президент Қасым-Жомарт Тоқаев Жандарбек Мәлібекұлының мерейтойымен құттықтап, жылы лебізі мен ізгі тілегін жеткізді. Мемлекет басшысы өз құттықтауында Елтаңба авторының Тәуелсіз Қазақстан мен елорданы құру және дамыту ісіндегі сіңірген еңбегін атап өтіп, оған зор денсаулық, шығармашылық шабыт және отбасына бақ-береке тіледі» делінген жазбада.

Айта кетсек, Наурыз мейрамы қарсаңында Қасым-Жомарт Тоқаев Жандарбек Мәлібекұлын I дәрежелі «Барыс» орденімен марапаттаған.