Қасым-Жомарт Тоқаев Ресей делегациясын қабылдады

Президент Қасым-Жомарт Тоқаев Ресей Федерациясы Үкіметінің делегациясын қабылдады.

Ақорданың баспасөз қызметі хабарлағандай, мемлекет басшысы Каспий құбыр желісі консорциумының 25 жылдығына арналған салтанатты жиын аясында Ресей Федерациясы үкіметі делегациясының құрамындағы Ресей үкіметі төрағасының орынбасарлары Александр Новак пен Алексей Оверчукті қабылдады.

Кездесу барысында Қазақстан мен Ресей арасындағы сауда-экономикалық және отын-энергетикалық қатынастарды нығайтудың перспективалары, сондай-ақ Еуразиялық экономикалық одақ аясындағы ықпалдастық мәселелері талқыланды.

Сонымен қатар жасыл энергетика, атом өнеркәсібі, көлік және логистика салаларын дамытуға, вакцина паспорттарын өзара мойындауға қатысты екіжақты ынтымақтастықтың өзекті мәселелері қарастырылды.