Қасым-Жомарт Тоқаев үкіметтің кеңейтілген отырысын өткізеді

Президент Қасым-Жомарт Тоқаев үкіметтің кеңейтілген отырысын өткізеді. Бұл туралы мемлекет басшысының баспасөз хатшысы Берік Уәли мәлімдеді.

«8 ақпанда Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтеді. Отырыста еліміздің 2021 жылға арналған әлеуметтік-экономикалық дамуы туралы қорытынды есеп тыңдалады, сондай-ақ үкіметтің 2022 жылға арналған іс-шаралар жоспары қаралады» деп жазды ол өзінің парақшасында.

Берік Уәлидің айтуынша, отырыста елде 2021 жылға арналған әлеуметтік-экономикалық дамуының қорытынды есебі тыңдалып, үкіметтің 2022 жылға арналған іс-шаралар жоспары қаралады.

Еске салсақ, үкіметтің соңғы кеңейтілген отырысы 2021 жылы шілде айында өткен.