Қасым-Жомарт Тоқаев келесі президент сайлауына қатыспайтынын айтты

Қазақстан президенті Қасым-Жомарт Тоқаев президенттік мерзімін ұзартпайтынын айтты.

«Менен ел ішінде де, шетелде де қазіргі Мемлекет басшысы өзінің өкілеттік мерзімін референдум арқылы ұзартуға, былайша айтқанда, президенттік мерзімін жаңадан бастауға ниетті ме деп сұрап жатады. Менің жауабым: мұндай ниет жоқ және болмайды» деді президент.

Сондай-ақ, ол жаңа саяси жаңғырту бағдарламасы туралы сөз етті.

«Ұсынылған саяси жаңғырту бағдарламасы өзінің мазмұны бойынша өте ауқымды. Бірақ басты назар адам құқықтары мен бостандығын қорғау жүйесін нығайтуға, азаматтардың мемлекеттік басқаруға қатысуын кеңейтуге, мемлекеттік институттардың ашықтығы мен тиімділігін арттыруға бағытталған» деді Тоқаев.