Қасым-Жомарт Тоқаев Асқар Маминді қабылдады

Қазақстан Президенті Қасым-Жомарт Тоқаев премьер-министр Асқар Маминді қабылдады, деп хабарлады Ақорда.

Үкімет басшысы осы жылдың қаңтар-ақпан айларындағы елдің әлеуметтік-экономикалық дамуының қорытындылары және елдегі санитарлық-эпидемиологиялық ахуалға қатысты есеп берді.  

— Есепті кезеңде экономиканың нақты секторы тұрақты оң динамиканы көрсетеді. Өңдеу өнеркәсібі, құрылыс, ауыл шаруашылығы дамудың жоғары қарқынын көрсетті. Қызмет көрсету саласында біртіндеп қалпына келу байқалады. Тамақ өнімдері, жеңіл өнеркәсіп саласында тұрақты өсім байқалады, химия өнеркәсібі, металлургия өндірісі, оның ішінде түсті металдар өндірісі, машина жасау, фармацевтика», делінген хабарламада.

Асқар Мамин сонымен қатар ОПЕК + мониторинг комитетінің отырысында Қазақстан үшін жекелеген жағдайлар жасалған күнделікті мұнай өндірісін 20 мың баррельге ұлғайтуды көздейтін келісімге келгені туралы айтты. Бұл тау-кен секторының қарқынын қалыпты өсіруге мүмкіндік береді.

Премьер-Министрдің айтуынша, елдегі санитарлық-эпидемиологиялық жағдай бақылауда: республикада вирустың репродуктивті коэффициенті - 0,9, жұқпалы аурулар орны жүктемесі - 23%, ал жан сақтау бөлімінде - 16%.

Үкімет басшысы сондай-ақ Президентке инвестиция тарту, халықтың жұмыспен қамтылуын қолдау, әлеуметтік маңызы бар тауарлар бағасының тұрақтануын қамтамасыз ету және елдің әлеуметтік-экономикалық дамуының басқа да өзекті мәселелері туралы қабылданған шаралар туралы айтты.