Қасым-Жомарт Тоқаевқа ұқсайтын ер адамның фотосы желіні шулатты

Әлеуметтік желіде Қазақстан президенті Қасым-Жомарт Тоқаевқа ұқсас ер адамның фотосы тарап жатыр.

Фотоға назар аударатын болсақ, көлік жүргізушінің бет әлпеті президент Тоқаевқа ұқсайтынын байқауға болады. Осыған орай әлеуметтік желі қолданушылары «Жаңа Қазақстан», «өзім үшін таксовать етіп жатырмын, былай президентпін ғой», «елдегі жағдайдың қиындығы сонша тіпті олардың өзі жұмыс істеп кетті» деген пікірлерімен бөлісті.

Еске салсақ, жақында Қазақстанның экс-президенті Нұрсұлтан Назарбаевтың фотосы желіде тараған.

18 қаңтар күні Назарбаев қаңтардағы тәртіпсіздіктерден кейін алғаш рет үндеу жасады. Ол өзінің елден кетуі туралы қауесетті жоққа шығарды және наразылық ұйымдастырушылары Қазақстанның мемлекет ретіндегі тұтастығы мен негізін жойғысы келетінін мәлімдеді. Назарбаев Қазақстанның саяси элиталары арасында ықпал үшін күрес жоқ екенін атап өтті.