Қасым Аманжоловтың Сталинге жазған хаттары табылды

Ақын Қасым Аманжоловтың 110 жылдығына орай облыстық архив қаламгердің фотосуреттері мен жұрт біле бермейтін деректерді жиыстырып жатыр.

Бұл туралы Orda.kz 24.kz-ке сілтеме жасап хабарлайды.

Тың деректерді іздеу барысында 90-ға жуық сурет пен қолжазбалар табылған. Қолжазбалардың көбін дерлік ақынның қызы Дариға Қасымқызы жинақтап, өткізген. Ең көнесі 1934 жылы «Біздің еңбек» газетінде жарық көрген «Есімде» деген мақаласы. Бұл жәдігерлерді архив ұжымы көшпелі көрме өткізіп жұрт назарына ұсынуды жоспарлап отыр.

Бір ерекшелігі олардың арасында осыдан 10 жыл бұрын табылған ақынның Жайық Бектұровқа, Сталинге жазған хаттары бар.

- ҚР кино-фотоархиві бар сол жақтан жинақтадық бір 20-30 шақты суретін алдық. Сосын қызының үйінен алдық. Енді бұл кісінің осы құжаттарын тархшылар, ақын-жазушылар мен өлкетанушылар әлі де зерттеп, өз ой-пікірлерін жазып, бір үлкен ғылыми жұмыстар әлі де әлемге шығады деп сенеміз, - деді Қарағанды облысы мемлекеттік архивінің директоры Жанагүл Тұрсынова.