Асыл тұқымды мал, жанар май мен дизель отыны шетелге шықпайды

ҚР Үкіметі ірі қара мен ұсақ малдың асыл тұқымын экспорттауға тыйым салуды ұзартты.

Бұл туралы Orda.kz премьер-министрдің сайтына сілтеме жасап хабарлады.

Бұл шешім ет өнімдерінің ішкі бағасын тұрақтандыру, сондай-ақ ауыл шаруашылығы жануарларының санын көбейту бойынша сыртқы сауда саясаты мен халықаралық экономикалық ұйымдарға қатысу жөніндегі ведомствоаралық комиссия отырысында қабылданды.

Сонымен қатар, үкімет картон және қағаз өнеркәсібі үшін шикізатты елден алты айға экспорттауға уақытша тыйым салады. Қазақстанда шикізаттың жетіспеушілігінен бүгінгі күні кәсіпорындар шикізат ретінде қайта өңделетін қағазды, картонды және макулатураны пайдаланады.

Қазақстанда жиһаз және ағаш өңдеу өнеркәсібін өндіруші отандық кәсіпкерлерді қолдау үшін ДСП экспортын шектеу туралы шешім қабылданды. Ішкі нарықтағы тапшылықты жою және бензин, дизель отыны мен мұнай өнімдерінің кейбір түрлерінің бағасын тұрақтандыруды қамтамасыз ету үшін үкімет бұл тауарлардың экспортына тыйым салуды ұзартады.