«Асықпаңдар»: Путин талибандарға қатысты даулы мәлімдеме жасады

Владимир Путин Талибанмен (Қазақстан аумағында тыйым салынған ұйым) қарым-қатынас жасау керектігін түсінетінін, бірақ бұған асықпау керектігін айтты.

Бұл туралы Orda.kz хабарлайды.

– Әрине, мен алаңдаушылық білдірген әріптестеріммен келісемін, бұл Ауғанстандағы жағдай. Ол Орталық Азия мен бүкіл ТМД кеңістігі үшін қауіп төндіреді. Жағдай ең алдымен, терроризмге және есірткіге қарсы күрес саласындағы бірлескен әрекеттерді күшейтуді талап етеді, - деді Путин ТМД кеңесі отырысында.

Ол экстремистік және террористік ұйымдардың шекараға жақын шоғырланғанын айтты: ДАИШ, Өзбекстан ислам қозғалысы, Әл-Каида, Ансарулла.

Ресей Федерациясы басшысының айтуынша, Ауғанстанның солтүстігінде тек ДАИШ мүшелерінің саны 2 мыңға жуық адамнан тұрады.

– Террористер босқындар атын жамылып, сенімге кіруге тырысады. Талибан құрған үкімет ауған қоғамының барлық палитрасын көрсетпейді. Бұл ретте жалпыхалықтық сайлау өткізу ниеті жарияланды, мемлекеттік басқарудың қалыпты жұмысын қалпына келтіру бойынша шаралар қабылдануда. ТМД шеңберінде біз бұл уәделердің іспен расталғанын бақылаймыз. Қазақстан Президентімен келісемін, Талибанды ресми түрде мойындауға асығудың қажеті жоқ. Біз олармен қарым-қатынас жасау керектігін түсінеміз, бірақ бұған да асықпау керек, - деді Путин.