«Астынан өтпек болған»: Семейде әйел адамды пойыз басып кетті

Семейде әйел адам вагондардың астынан өтемін деп қаза тапты, деп хабарлайды Orda.kz.

Оқиға 14 сәуір күні Семей қаласындағы «Жансая» базарының маңындағы теміржол өткелінде болды.

Куәгерлердің сөзі мен бейнежазбаны қарасақ, әйел адам пойыздың жүргенін күтпестен, теміржолдың ар жағына өту үшін тауар тиелген вагондардың астына кірген. Пойыз сол сәтте-ақ жүріп кеткен. 

Куәгерлер бірден қол ұшын созып, оны жүріп бара жатқан пойыздың астынан шығарған, алайда әйел оқиға орнында көз жұмды. Бұл жағдай бойынша тергеу ісі жүріп жатыр. «Семей» станциясында полицияның желілік бөлімі қылмыстық іс қозғады.

Құқық қорғау органдары сақтық шараларын сақтай отырып, темір жолдарды белгіленген жерлерде ғана кесіп өтуге рұқсат етілетінін ескертті.