Астық тасымалдаушылар ресейлік бидайдан бас тартқан ҚТЖ-ға шағымдануда

Ресейлік бидайдың теміржол арқылы әкелінуіне шектеу қою туралы бұйрық 11 қазаннан бастап күшіне енеді. Бірақ, саудагерлер бұған шағымдануда, ұлттық тасымалдаушы қазірдің өзінде қосымша құжаттарды талап етіп жатыр.

Еldala-ның айтуынша, саудагерлер ҚР Ауыл шаруашылығы министрлігіне және ҚР Индустрия және инфрақұрылымдық даму  министрлігінің Көлік комитетіне  әлі күшіне енбеген тапсырмасын орындауға тым құлшыныспен кіріскен ұлттық тасымалдаушының үстінен жазбаша шағымданған. 

«Қауымдастық мүшелерінің қызметіне мониторинг жүргізу және келіп түскен өтініштер нәтижесінде аталған шектеулерді қолдану фактілері, сондай-ақ бидайдың Қазақстан аумағына импортын (кіргізу) тіркеуге қатысты талап қою фактілері анықталды. Атап айтқанда, ҚТЖ – ММ-12 құрылымдық бөлімшесі лицензиясы бар элеваторлар туралы ақпаратты  көрсетпей, тамыз және қыркүйек айларында вагондар жоспарын келіспейді»  делінген хатта.

Хатта «KazGrain» экспорттаушылар ұлттық қауымдастығының төрағасы Зейнолла Әбдуманапов шенеуніктерден осы әрекеттерді түсіндіріп, бизнес мүддесін қорғауды қамтамасыз етуді сұрайды.

Еске салайық, биыл сәуірде Қазақстан контрабандамен күресу үшін ресейлік бидайдың автокөлікпен жеткізілуіне алты айға тыйым салған болатын. Кейінірек ол тағы алты айға, 2024 жылдың сәуіріне дейін ұзартылды. 

Сондай-ақ теміржол арқылы жеткізуге шектеулер енгізілді - 2023 жылдың 11 қазанынан бастап олар тек ұн тартатын зауыттарға, құс фабрикаларына және лицензиясы бар элеваторларға ғана рұқсат етіледі.