AstraZeneca вакцинасының қауіпсіздігі туралы мәлімде жасалды

Ұлыбританияның Денсаулық сақтау министрі Мэтт Ханкок AstraZeneca-ға қарсы covid-19 вакцинасының қауіпсіздігі туралы мәлімдеді, деп хабарлайды ORDA.kz

Мэтт Ханкок реттеуші мекемелерді тыңдауға және мүмкіндігінше AstraZeneca вакцинасын егуге шақырды. 13-ке жуық ел оның қауіпсіздігіне қатысты қосымша түсіндірулер күтіп, вакцинаны қолдануды тоқтатты. Бірақ Британдық дәрі-дәрмектерді бақылау органы (MHRA) вакциналаудың қан ұюлардың жиі орын алуына қатысы жоғын мәлімдеп отыр.

Еуропалық дәрі-дәрмек агенттігі (EMA) 18 наурызда вакциналанған адамдарда қан ұйығыштығы туралы тергеу нәтижелерін жариялауды жоспарлап отыр. Алайда, бұған дейін Oxford-AstraZeneca вакцинасының пайдасы қауіптен асып түсетініне «сенімді» екендігі айтылған.

AstraZeneca компаниясының мәліметі бойынша, ЕО мен Ұлыбританияда шамамен 17 миллион адам вакцина дозасын алды және өткен аптада қан ұйығыштарының 40-тан аз жағдайы тіркелді.

— Біз бұл вакцинаның әсерін үнемі қадағалап отырамыз және Oxford-AstraZeneca вакцинасы дәл қазір Ұлыбританияда өмірді сақтап қалатынын білеміз, сондықтан егер сізге қоңырау шалып, вакциналауға шақырса, екпеге барыңыз, – деді Мэтт Ханкок.

Ол сонымен қатар вакцинаға күнделікті сұраныстың көптігі мен препаратқа деген ынта жоғары екенін айтты.