Қастеев мұражайына жөн-жозықсыз айыппұл салынды

Қастеев мұражайының маңында жақында су жаңа тұрғын үй салынды. Тұрғындардың келгені кеше, бірақ олар «мұражайдың кондиционері қатты шулайды» деп шағым түсірді. Мұрайжайдағылар өнер нысандарын сақтау үшін суық қажет дейді.

Бұл туралы Orda.kz хабарлады.

Әбілхан Қастеев атындағы мемлекеттік өнер мұражайына 670 мың теңге айыппұл салынды. Мәдени нысанның кондиционерлері санитарлық эпидемиологтарға шағымданған жақын маңдағы тұрғын үй кешенінің тұрғындарына түнде ұйқы бермейді.

Әбілхан Қастеев атындағы мемлекеттік мұражай - еліміздің бірегей мәдени нысаны. Мұнда 25 мыңнан астам экспонаттар жинақталған. Көрмеде келушілер әйгілі суретшілердің 16 ғасырдан бастап жасаған жұмыстарын көре алады. Тек өткен аптадан бастап музей қызметкерлері есеңгіреп қалды. 45 жыл бойы тұрған тарихи орынның қасында жаңадан салынған тұрғын үй кешенінің тұрғындары шулы кондиционерлерге шағымданды. Нәтижесінде санитарлық-эпидемиологтар келіп, нысанға 670 мың теңгеге айыппұл салды. Сонымен қатар, мұражай 30 күнде шудан арылулары керек.

Мұражай қызметкерлері кондиционерлер біреудің қалауымен емес, қажеттілікке байланысты орнатылғандығын алға тартып отыр.

– Бұл кез-келген музей үшін міндетті, өйткені залдағы температура 18-20 градус болуы керек, - деп түсіндіреді Қастеев мұражайы директорының ғылыми жұмыс жөніндегі орынбасары Светлана Кобжанова.

Яғни, кондиционерлер баға жетпес коллекцияларды сақтауға көмектеседі. Оларсыз нысандар бүлінеді. Сонымен қатар, мұражай қызметкерлері үй тұрғызылғанға дейін оның құрылысына қарсы болған. Олар мұражайға тым жақын салынған.

Бұл арада қала құрылысы бөлімі тұрғын үй кешені барлық талаптарға сай салынғанын айтты. Музей не істерін білмей отыр. Өйткені, кондиционерлер өшсе, он мың экспонатқа қауіп төнеді. Оның көбі өте құнды.