Астаналық мектеп оқушылары Microsoft-тан жарты миллион долларлық грант алады

Microsoft корпорациясының жарты миллион долларлық грантын астаналық мектеп оқушылары жеңіп алды. Арсен Қылышбек пен Владимир Борзенков жасанды интеллект негізінде стартап жобасын әзірледі, деп хабарлайды 24.kz.

Арсен мен Владимир Республикалық физика-математика мектебінің оқушылары. Мектеп олардың бағдарламалауға деген қызығушылығын біріктірді. Жас жігіттер компьютерден ажырамайды: олар үнемі бірдеңе ойлап табады, әдеттен тыс жобалар жасайды. Жігіттер жасанды интеллект негізінде небәрі бір жарым минутта толыққанды веб-сайтты құра алатын онлайн сервис құрды.

— Клиенттің мәтіндік сұраныстары бойынша сіз веб-сайттарды жасай аласыз. Жай сөзбен айтқанда, мысалы, гүл дүкені үшін мынандай шрифт қолдану, мына түстерді жасау қажет біздің жасанды интеллект оны толығымен меңгерген. Толыққанды веб-сайт құрастыра алады, оны кейін орналастырып, халыққа көрсетіп, сол арқылы табыс табуға болады. Яғни, бизнеске арналған веб-сайттарды жасауға болады, - дейді Астана РФММ оқушысы Әрсен Қылышбек.

Бұл қызметтің аналогы жоқ екені хабарланды. Идея Microsoft корпорациясының назарын аударатындай қызықты болды. Компания оларға 550 000 доллар грант берді.

— Грант несие түрінде. Яғни, серверлері, бір жерде төлем жүйелері, әртүрлі техникалық шешімдер және тағы басқаларына. Бұл ақшаны басқа нәрсеге жұмсауға болмайды. Қаражатты тек осындай  қызметтерге ғана қолдануға болады, – деді Әрсен Қылышбек.

Жоба әлі аяқталған жоқ. Әрсен мен Владимир соңғы мәліметтермен жұмыс істеп жатыр және оны келесі аптада іске қоспақшы.

— Бізде жоба іске қосылған кезде қол жеткізу үшін деректерін қалдырған адамдардың тізімі бар. Жүктемені оңтайландыру қажет болғандықтан, кіру шектеледі, сондықтан біз өз деректерін қалдырғандарға ғана рұқсат береміз, - дейді талантты оқушылар.  

Жас IT мамандары өз жобасымен Еуропа мен АҚШ нарығына шығуды жоспарлап отыр. Әрсен мен Владимир өздерінің стартаптарын танымал ете алатындарына сенімді. Онлайн платформа іске қосылғаннан кейін олар дамуды қаржыландыру үшін оған ірі инвестор табуға үмітті.