Астаналықтар 53 мың пиксельден тұратын Абай портретін көреді

Астаналықтар 53 мың пиксельдік Абайдың портретін бүкіл қаланы көрсететін айналма доңғалақтан көре алады, деп хабарлайды әкімдіктің баспасөз қызметі.

«Астананың сол жағалауында қазақтың ойшыл ақыны Абай Құнанбайұлының ең үлкен цифрлық бейнесі пайда болды. 

Диагоналы 65 метр болатын портрет 53 мың пиксельден астам жаңа LED-жарықтандырумен жабдықталған дөңгелекке орналастырылған, деп хабарлайды қала әкімдігінің ресми сайты.

Портрет 10 тамызда аталып өтетін Абай күнінде пайда болды. Портрет пен анимацияның көрсетілімі 16 тамызға дейін жалғасады.

Қала тұрғындары шығармашылық туынды жасау үшін бұл орынға жиі бас қосады. Атап айтқанда, Астана тұрғыны, Е. Рахмадиев атындағы мемлекеттік академиялық филармонияның әртісі Ұлжан Құлжанова портрет жанында «Көзімнің қарасы» туындысын скрипкамен орындады.