Астаналық науқастарды қорлаған студент 4 жылға бас бостандығынан айырылды

Астанада сот ауыр халдегі хоспис пациенттері мен оңалту орталығының балаларын азаптау бойынша атышулы іске нүкте қойды. Медициналық оқу орнының  студенті кінәлі деп танылды.

Менің жүйкем жұқарған, өзімді ұстай алмадым, қорқытқым келді – айыпталушы  өзінің әрекетін, хоспис пен арнайы балалар орталығының ауыр науқастарды неліктен ұрып-соғып, қорлағанын осылай түсіндірді.

Ол кінәсін мойындап, өкінді. Жалтару мүмкін емес - сотта олар студенттің достарымен күлу үшін өзі түсірген видео дәлелдерін ұсынды.

Кадрларда ол аурудан шаршап, төрттағандап жорғалап келе жатқан қартты тепкілейді. Сосын басынан ұрып, нан жеуге мәжбүрлейді. Сонымен бірге ол науқастың тісінің жоқ екенін, көру және  қозғалу қабілетінің нашарлығын білді.

Шарасыз зейнеткерді мазақ етті.

«Сіз оған жыныс мүшелерінің тұзын алуды айттыңыз. Бұл оның көзіне жас алдырды. Сондай-ақ ұйықтап жатқанда бетіне аяқ киім кигізіп, мұрнын қысты. Аутизммен ауыратын төрт жасар баланы да азаптады. Сіз оны бірнәрсе жасауға мәжбүр еттіңіз. Бала қорыққанынан айқайлап жіберді. Ол оның киімдері арқылы сұқ саусағын мүшесіне кіргізбек болды, салдарынан балада ауырсыну пайда болды» деді Астана қаласының қылмыстық істер жөніндегі ауданаралық сотының судьясы Бағлан Ыдырысов.

Прокурор айыпталушыны төрт жыл сегіз айға бас бостандығынан айыруды сұрады. Жинақталған кінә дәлелдеріне сүйене отырып, судья баптың санкциясында көзделген жазаны дәл тағайындады.

«Бұл шекті мерзім заңмен осыған ұқсас фактілердің қайталануына жол бермеу, әлеуметтік әділеттілікті қалпына келтіру және сотталушыны түзеу мақсатында белгіленген. Сот осы фактілерге әкімдіктің назарын аударып, мекеме ішінде мұндай жағдайға жол бермеу шараларын қабылдау туралы шешім қабылдады» деп атап өтті судья.

Студент сот залында қамауға алынды. Моральдық шығын туралы азаматтық талаптар жартылай қанағаттандырылды - сотқа дейін қайтыс болып кеткен екі зейнеткердің туыстары әрқайсысы екі миллион теңгеден алды.