Астаналық бухгалтер жұмыс берушінің жүздеген млн ақшасын казинода ұтылып қалды

Астана тұрғыны құмар ойындарға ақша жұмсау үшін алаяқтық жолға түскен. Сот оны 5 жылға бас бостандығынан айырды.

Кінәлі әйел ЖШС-ның бухгалтері болып жұмыс істеген. Ол мекеме иелеріне шет елге тиімді инвестициялар салу туралы жалған айтып, оларды алдау арқылы 385,9 млн теңгеден астам қаражатты иемденген.

Сотталған адам ұрланған ақшаның басым бөлігін казинода ұтылған.

Іс бойынша қатысқан мемлекеттік айыптаушы сотталушының кінәсін дәлелдеді.

Сот үкімі заңды күшіне енді.