Астанаға бара жатқан жас домбырашылар пойыз жолаушыларын өнерлерімен баурап алды

Атырау-Астана бағытымен келе жатқан № 47 пойызда талантты жас домбырашылар нағыз жанды дауыста концерт берді.

Балалар  Қазақстанның еңбек сіңірген қайраткері Қадыр Мырза Әлінің нақылға айналған «Нағыз қазақ – қазақ емес, нағыз қазақ – домбыра» деген сөзін іс жүзінде дәлелдеді десе де болады. Қойылым үрмелі музыкалық аспаптардың сүйемелдеуімен өтіп, патриоттық монологпен басталды.

Жолаушылар виртуоздық қойылымға таң қалып, жас өнерпаздарды қызу қошеметпен қолдады.

«Жолаушылар тасымалы» АҚ баспасөз қызметінің хабарлауынша, балалар музыкалық байқауға қатысу үшін Астанаға бара жатқан.