Астанадағы жерасты цехтарынан тәркіленген 22 тонна ет итке азық болатын болды

Астана полиция департаменті тәркіленген 22 тонна ет өнімдерінің панасыз жануарларды бағып жатқан панаханаға жіберілетінін айтты, бірақ еттің иттерге азық ретінде пайдаланбас бұрын термиялық өңдеуден өтетініне сендірді, деп хабарлайды Orda.kz.

Полицейлер елордада ветеринарлық-санитарлық нормаларды бұзатын заңсыз ет өңдейтін зауыттарды анықтады. Тәртіп сақшылары осындай жерлерден 22 тонна ет тәркіледі.

Осыдан кейін полиция қызметкерлерінің, ветеринарлық қызметтердің және басқа да бөлімдердің қатысуымен өткен комиссия отырысында олар мал етін үш мыңға жуық қаңғыбас ит ұстайтын жекеменшік «Стоп-Отлов» қорына беру туралы шешім қабылдапты.