Астанадағы музей Назарбаевтың мүсінін неге алып тастағанын түсіндірді

Астанадағы Қазақстан Қарулы күштерінің Мемлекеттік әскери-тарихи музейі тұңғыш президент Нұрсұлтан Назарбаевтың мүсіні не үшін алып тасталғанын түсіндірді, деп хабарлайды Orda.kz порталы TengriNews-ке сілтей отырып.

Музейдің мәліметінше көрме залында Сағадат Нұрмағамбетовтың туғанына 100 жыл толуына байланысты өзгертулер жүрген.

«2024 жылы Қазақстанның тұңғыш қорғаныс министрі, Кеңес Одағының батыры, Халық қаһарманы, армия генералы Сағадат Нұрмағамбетовтың туғанына 100 жыл толуына орай "Қазақстан Республикасының Қарулы Күштері" көрме залында Сағадат Қожахметұлының өмірі мен әскери қызметін толық қамту мақсатында реэкспозиция өткізілді», - деді.

Еске сала кетейік Назарбаевтың мүсіні 2018 жылы қойылған болатын.