Астанадағы LRT-ның «Театр» станциясынан өрт шықты

CTS мәліметінше, оқиға 5 мамыр күні сағат 22:18 шамасында «Театр» станциясының солтүстік өткеліндегі кіреберіс бөлігінде болған, деп хабарлайды Orda.kz.      

Оқиғаның мән-жайын City Transportation Systems (CTS) компаниясы хабарлады.

Компанияның айтуынша, жалпы аумағы 20 шаршы метр жерде пластик құбырлар мен минералды мақта жанған. Өрт төтенше жағдайлар қызметі келгенге дейін станцияның кезекші қызметкерлері тарапынан алғашқы өрт сөндіру құралдарының көмегімен жедел сөндірілген.

CTS өрттің станцияның конструкциялары мен жабдықтарына таралуына жол берілмегенін атап өтті. Зардап шеккендер жоқ.

LRT-ның сынақтық пайдалануы 2025 жылғы 29 қыркүйекте басталып, кемінде 6 айға созылуы тиіс болған. Бұған дейін CTS пойыздар сағатына 40–50 км жылдамдықпен жүретінін, Нұрлы жол станциясынан әуежайға дейінгі жол шамамен 40 минутты алатынын, ал қозғалыс аралығы учаскеге байланысты 5–10 минут болатынын хабарлаған.

Биылғы наурызда ЛРТ және «кірешілер» туралы бейне тарап, арқанмен вагон сүйреген жұмысшылар мемге айналған болатын.  Видеокадрда арқанмен вагон сүйреп бара жатқан жұмысшылар көрсетілген, видеоға CTS өкілдері пікір білдірді.   

Видео TikTok желісінде пайда болып, әлеуметтік желілерде тез таралды. Кадрда адамдар жеңіл рельсті көлік құрамын арқан байлап алып тартып жатқанын көруге болады.

Оқи отырыңыз:

• LRT жол жүру құны шамамен 200 теңге болуы мүмкін
• ЛРТ және «кірешілер»: арқанмен вагон сүйреген жұмысшылар мемге айналды
• Алматыда 2030 жылға дейінгі қаланың бас жоспарына сай қай жолдар ұзарып, қандай нысандар сүріледі?