Астанадағы көшпенділер ойындарынының алғашқы жарыстары басталды

Астанада өтіп жатқан Дүниежүзілік көшпенділер ойындарында жамбы ату сайысы басталды, деп хабарлайды Ұлттық және ат спорты орталығының баспасөз қызметі.

«Жарыс 8 қыркүйекте «Қазанат» ипподромының жанындағы этноауылда өтеді»,  деп хабарлады орталықтың баспасөз қызметі.

Бұған дейін жамбы ату жарысына қатысатын спортшылар жеребе тарту мен ашық жаттығу жиынын өткізген болатын.

Деректерге сүйенсек, жамбы ату сайысы венгр стилінде өтіп, 27 елден 78 спортшы қатысады. Қазақстан құрамасының атынан Айтбек Сарыбай, Ералхан Айкөз, Батыр Бексауыт және Абзал Тулыбеков сынды қатысушылар бар.

Жамбы ату – ат үстінде садақ атудан қазақтың дәстүрлі спортының бір түрі.