Астанадағы Кенесары хан ескерткішіне 250 миллион теңге жұмсалады

Астанадағы Кенесары ханның ескерткішіне 250 миллион теңгеге күрделі жөндеу жүргізілмек. 

Техникалық тексеріс барысында мамандар постамент пен мүсіннің құрылымы сапасыз орындалғанын және күрделі жөндеуді қажет ететінін айтты. Кенесары хан ескерткіші 2001 жылдың 10 мамырында ашылған. Ескерткіш Кенесары ханның ат үстіндегі қола бейнесін көрсетеді. Салмағы 10 тоннаға жуық, биіктігі – 7 метр, постаменті – 6 метр. Монумент авторлары – сәулетшілер Шота Уалиханов пен Нұрлан Далбай.