Астанадағы қаржы қылмысы: сот сараптама орталығының басшысы ұсталды

Қаржылық мониторинг агенттігі сот сараптамасы орталығының басшылығы бюджет қаражатын талан-таражға салғанын анықтады, деп хабарлайды Orda.kz. 

Тергеу мәліметінше, олар жабдықтардың бағасын үш есеге дейін көтеріп, жалған коммерциялық ұсыныстар арқылы мемлекет қаржысын ұрлаған. Әрі мемлекеттік сатып алу конкурсы жарияланбай тұрып, техникалық сипаттамаларда тек өздері танитын компаниялар ғана ұсына алатын жабдықтар көрсетілген. 

Күдіктілердің банктік шоттарынан 1,6 млрд теңге ($3,2 млн), $367 мың және 366 мың еуро бұғатталды. 

Сонымен қатар Алматыдағы екі жер телімі, Астанадағы пәтер және бірнеше автокөлік тәркіленді. Жалпы тәркіленген мүліктің құны 148 млн теңгеден асады.