Астанадағы бос ғимараттан 14 жасар оқушының мүрдесі табылды

Астанада 10 қыркүйекте № 5 гимназия мектебінің жанында орналасқан бос ғимараттан 14 жасар мектеп оқушысының өлі денесі табылды, деп хабарлайды Orda.kz.

Полиция департаментінің мәліметінше, жасөспірімнің денесінен көзге көрінетін дене жарақаттары табылмады. Оның өлімінің себебі қазіргі уақытта анықталып жатыр.

«Оқиға бойынша қылмыстық іс қозғалды, бірақ тергеу барысында басқа мәліметтер жарияланбайды, бұл ҚР ҚІЖК 201-бабымен реттеледі»,  деп хабарлады полиция басқармасы.

Мәйіт табылған ғимарат бұрын балабақша болған. Артынша сектанттардың бақылауында болған, кейіннен бос қалған.