Астанадағы арнайы бөлімдегі қараусыз қалған иттер аштықтан бір-бірін жеп жатыр

Астанадағы қаңғыбас жануарлар баспанасында иттердің аштықтан бір-бірін жеп жатқаны туралы әлеуметтік желілерде тараған бейнежазбалар қала тұрғындарының наразылығын тудырды.

Бұл туралы Orda.kz хабарлады.

Telegram арналардың бірінде жантүршігерлік бейнежазбалар бар. Әлсіреген иттердің қоқыс толы аумақта кезіп жүр. Бірінің етін бірі жеп жатқаны көрінеді.

Мәліметтерге сәйкес, бұл қорғау үйі 2023 жылдың қазан айында қала әкімдігімен сенімгерлік басқаруға берілген «Стоп Отлов» зооқорғау ұйымының қарауында екен. Дегенмен, жануарлардың дұрыс күтім көрмегені туралы «Көктал-2» ықшам ауданы тұрғындарының шағымдарынан соң, 20 тамызда қордың жауапты тұлғасына әкімшілік хаттама толтырылды.

Әкімдік 70 миллион теңге бөлінгені туралы ақпаратты жоққа шығарды. Атап айтқанда, қаржыландыру тек орындалған жұмыстар негізінде жүзеге асырылатынын мәлімдеді. Алайда, жануарлардың жағдайының нашарлағаны және бұл жағдайға кім жауапты екендігі қоғамда үлкен алаңдаушылық тудырып отыр.