Астанадағы сауда орталығында адамдар мінген эскалатор сынып қалды

Астанадағы «Сарыарқа» сауда ойын-сауық орталығында эскалатор істен шықты. Оқиға 31 наурыз күні сағат 23:52-де болған.

Алдын ала мәлімет бойынша, үшінші қабаттан екінші қабатқа эскалатордың күрт түсуі болған. Түскен кезде эскалаторда 20-ға жуық адам болған.

Ақпаратты ҚР Төтенше жағдайлар департаментінің өкілі Руслан Иманқұлов растады. Оның айтуынша, екі ересек адам мен бір бала жеңіл жарақат алған.

Оқиға орнына жеткен жедел жәрдем қызметкерлері зардап шеккендерді тексеріп, үйлеріне жіберді.