Астанада Жорғадан Аламанға дейінгі бәйге жарысы өтті

Елордадағы «Қазанат» ипподромында жүлде қоры 23,5 миллион теңге болатын бәйге жарысы өтті, деп хабарлайды Orda.kz.сайты  24.kz-ке сілтеме жасап.

 Чемпионатты Қазақстанның ұлттық спорт түрлері қауымдастығы мен республикалық «Бәйге» федерациясы ұйымдастырды. Шараны ашқан Ақпарат және әлеуметтік даму министрі Дархан Қыдырәлі ұлттық спорт түрлерінің танымалдылығы артып келе жатқанын сөзга арқау етті.

«Біз өз өмірін тұлпарсыз, бәйгесіз елестете алмайтын халықтың ұрпағымыз, сондықтан бұл екі ұғым еске түскенде-ақ жүрегіміз атқақтайды. Жылқылар бізді шабыттандырады, елітеді», - деді министр.

Республикалық «Бәйге» федерациясының жетекшісі Қанат Көпбаевтың айтуынша, ажылдан жылға ат бәйгесін тамашалайтындар мен жанкүйерлер қатары да артып келеді.

«Біздің мақсатымыз – ұлттық спортымыздың мәртебесін көтеру және халыққа таныту. Бір қуантарлығы, ат бәйгесіне қызығушылық танытқан көрермендер саны күн санап артып келеді. Бұл біздің дұрыс бағытта келе жатқанымыздың көрсеткіші», - деді ол.

Турнирге еліміздің бірнеше өңірінен 80-ге жуық сәйгүлік қатысып, «Құнан бәйге», «Топ бәйге», «Аламан бәйге» және «Жорға»  бәйгелері бойынша сынға түсті.

Он шақырымдық «Құнан бәйге» жеңімпаздары:

1 орын – «Лазер» атты Алдияр Уайсханнның жылқысы;

2 орын – Асланбек Әбдіқалдың «Қарақат» атты жылқысы;

3 орын – Нұрмұқаш Ділнұрдың «Мамлюк» атты жылқысы.

16 шақырымдық  «Топ бәйге» жүлдесі:

1 орын – «Мой мир» атты Әмір Серіктің жылқысы;

2 орын – Асланбек Әбдіқалдың «Абырай» атты жылқысы;

3-орын – «Сакура» атты Бекзат Ділдаханның жылқысы.

9 шақырымдық  «Жорға» жарысының жеңімпаздары:

1 орын – Жан Қоқанбаевтың «Салкүрең» атты жылқысы;

2 орын – Әлия Асқарованың «Мамыр айы» атты жылқысы;

3 орын – Шуақ Жайлаубектің «Жұлдыз» атты жылқысы.

23 шақырымдық  «Аламан бәйге» жүлдегерлері:

1 орын: «Талхиз» атты Бекзат Ділдаханның жылқысы;

2 орын – Арнат Мұратханның «Семсер» атты жылқысы;

3 орын – Арнұр Саматуланың «Самал» атты жылқысы.

Жарысты ұйымдастырушылар 4-5-орын алған спортшыларды ақшалай сыйлықтармен марапаттады. Сонымен қатар, байқау барысында көрермендер ұлттық киімдер сайысын да тамашалады. Бұл байқаудың жеңімпаздарына ұйымдастырушылар атынан жалпы алғанда 1 млн.теңге сыйға тартылды.