Астанада жиһаз цехы өртеніп жатыр

Өрт орнына 50-ден астам өрт сөндіруші жіберілді.

Төтенше жағдайлар министрлігінің мәліметінше, жиһаз цехындағы өрт туралы хабар таңғы сегізден кейін түскен.

«Сағат 08.44-те Астана қаласының Төтенше жағдайлар департаментінің өрт сөндіру бөлімшелері болып жатқан өрт деңгейіне ден қойды. Өрт ангарда шыққан. Оқиға орнында өрт сөндіру штабы құрылды».

Өрт 500 шаршы метрді алды. Өртті сөндіруге 54 адам мен 12 бірлік авариялық-құтқару техникасы қатыстырылды, апаттар медицинасы орталығының қызметкерлері де жұмылдырылды.