Астанада жемқорлардың ақшасына үш мектеп салынды

Астанада биылғы жылдың соңына дейін «жемқорлардың ақшасына»  тағы 7 мектеп салынып бітеді. Үш мектеп шәкірттерін қабылдап үлгерді.

Жергілікті билік бұл мектептер көптен бергі орын тапшылығы мәселесін шешуге көмектеседі деп отыр. Жемқор шенеуніктерден тәркіленген 96 миллиард теңгеге елде барлығы 62 мектеп салынады деп жоспарлануда.

Еске салсақ, ел бойынша жемқорлардың ақшасына 15 мектеп салынды. Жыл соңына дейін тағы 31 мектеп салынады. Мектептердің жетіспеушілігі мәселесін мұғалімдердің республикалық съезінде Қасым-Жомарт Тоқаев көтерді. Президент «Жайлы мектеп» жобасы бойынша екі жылдың ішінде барлық өңірлерде, соның ішінде ауылдық жерлерде жүздеген жаңа білім ошағы ашылатынын атап өтті.