Астанада Үкімет үйінің алдында жартылай жалаңаш билеген бойжеткен жұрттың ашуын туғызды

Астананың орталығындағы LION түнгі клубының ашық террасасында жартылай жалаңаш қыздың биі қала тұрғындарының наразылығын туғызды, деп хабарлайды Orda.kz.

Оқиға 22 маусым күні кешке, Қазақстан Үкіметінің ғимаратына қарама-қарсы бетте болған. Әлеуметтік желіде тараған видеодан кейін азаматтар полиция мен әкімдікке шағым түсіріп, тексеру жүргізуді талап еткен.

Астана қалалық полиция департаменті ресми түсініктеме берді.

«Тыныштықты бұзғаны үшін мекеме әкімшілігіне 25 айлық есептік көрсеткіш көлемінде – 98 300 теңге айыппұл салынды. Сонымен қатар мекенжайға құқықбұзушылықтың алдын алу шараларын қолға алу туралы ұсыныс жолданды»,  деп хабарлады елорда полициясы.

Ал би билеген қызға қатысты шешім әлі қабылданған жоқ. Полиция оның әрекетіне заң аясында баға берілетінін мәлімдеді.