Астанада Украина елшілігі «миналанды»

1 желтоқсан күні сағат 17:50-де Украина елшілігінің консулы полицияға хабарласып, сағат 15:08-де электронды пошта арқылы ғимаратта мина қойылғаны туралы хат келгенін айтты.

Факті Есіл ауданы бойынша ММ-нің ақпаратты есепке алу кітабына тіркелді.

Оқиға орнына арнайы қызмет өкілдері келді.

«Тексеру кезінде жарылғыш зат табылмады. Оқиға эвакуациясыз өтті, қауіп жойылды» деп хабарлады полиция.

Полицейлер оқиғаға қатысы бар адамдарды іздестіріп жатыр.