Астанада  велосипедтерді тіркеу ұсынылды

Елордалық полицейлер велосипед ұрлығы санын қалай азайтуға болатынын білмей бас қатыруда. Өткен жылмен салыстырғанда мұндай қылмыстар саны екі есеге артқан.

Жыл басынан бері Астанада 100-ден астам велосипед ұрланған. Келтірілген шығын үш миллион теңген болды, деп хабарлайды «Астана» телеарнасы.

Сонымен қатар, екі доңғалақты көліктердің көпшілігі арнайы қорғаныс құралдарынсыз қалдырылған. Статистиканы азайту үшін тәртіп сақшылары арнайы қызмет ойлап тапқан.

«Велосипедтің иесі, оның тұрғылықты мекен-жайы және ұялы телефон нөмірі туралы мәліметтерді енгізу арқылы оның белгілі бір тұлғаға тиесілі екендігін тіркеуге мүмкіндік беретін бірыңғай электронды деректер базасы әзірленді. Сондай-ақ велосипедтің сериялық нөмірі мен сыртқы ерекшелік сипаттамалары қоса жазылады», - деді Астана қалалық полиция департаменті Жергілікті полиция қызметінің басшысы Арман Айтмағамбетов.

Жоба әлі де пилоттық, бірақ сіз велосипед деректерін екі қолданбаға енгізе аласыз, олар : SMART Astana және E-KNOT. Ол үшін екі доңғалақты көліктің сипаттамаларын толтырып, телефон нөміріңізді қалдырсаңыз жеткілікті.

«Егер адам велосипедін ұрлатқан болса, бірақ ол тіркеуге үлгермеген дейік, мысалы, жасыл велосипед ұрланған деген бағдар болса, полиция жоғалған күннен бастап, тек  тіркелген жасыл велосипедті тексере алады. Себебі ол тіркелген және иесінің байланыс нөмірлері бар», - деп түсіндірді «Астананың тұрақты даму орталығы» ЖШС директорының орынбасары Виталий Пустовойтенко.