Астанада Ұлттық сараптама және сертификаттау орталығына 600 миллион теңгеге жуық айыппұл салынды

Астанада Ұлттық сараптау және сертификаттау орталығына 600 миллион теңгеге жуық айыппұл салынды, деп хабарлайды Orda.kz Бәсекелестікті қорғау және дамыту агенттігінің баспасөз қызметіне сілтеме жасап.

«Астана қаласы бойынша Бәсекелестікті қорғау және дамыту агенттігі департаменті жүргізген тергеу нәтижелері бойынша «Ұлттық сараптау және сертификаттау орталығы» АҚ (ҰССО) ұйымы нарықтағы үстем жағдайды теріс пайдаланғаны үшін әкімшілік жауапкершілікке тартылды. Нәтижесінде Астана қаласының әкімшілік құқық бұзушылық істер жөніндегі мамандандырылған ауданаралық соты ҰССО -на айыппұл салды: метрология саласындағы қызметтері үшін 370,3 млн теңге және тауарлардың сәйкестігін растау қызметтері үшін 222,5 млн теңге» делінген сенбі күні таратылған хабарламада.

Бәсекелестікті қорғау және дамыту агенттігі түсіндіргендей, «салынған 592,7 миллион теңге айыппұл толығымен төленген».