Астанада ҰҚК қызметкерінің мәйіті табылды

Астанада Ұлттық қауіпсіздік комитетінің қызметкері көз жұмды, деп хабарлайды Orda.kz.

Комитеттің ресми мәліметінше, 21 сәуір күні елордадағы тұрғын үй кешендерінің бірінің ауласынан ҰҚК қызметкерінің мәйіті табылған.

Қазіргі уақытта полиция органдары сотқа дейінгі тергеп-тексеру жұмыстарын бастап кетті. Оқиғаның мән-жайы нақтылануда.

«21 сәуірде Астана қаласындағы тұрғын үй кешенінің ауласынан Ұлттық қауіпсіздік комитеті қызметкерінің мәйіті табылды. Полиция органдары сотқа дейінгі тергеуді бастады. Қазіргі таңда оқиғаның мән-жайы анықталып жатыр»,  деп хабарлады ҰҚК.

Сондай-ақ белгілі болғандай, қаза тапқан қызметкер ҰҚК-нің сыртқы барлау қызметінде жоғары лауазым атқарған. Алдын ала мәлімет бойынша, ол өз пәтерінің терезесінен құлап кеткен.

«42 жастағы ер адам өз пәтерінің терезесінен құлап кеткен болуы мүмкін», деп хабарлады ҚазТАГ.