Астанада Тоқаев пен Мирзиёевтің келіссөзі басталды

Астанада Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёевтің ресми келіссөзі басталды.

Бұл туралы Orda.kz хабарлады.

Ақорда резиденциясында екі елдің көшбасшылары бір-бірімен амандасып, әнұрандарды тыңдады, одан кейін келіссөзге кірісті.

Келіссөз барысында ақпарат, мәдениет, білім және жастар саясаты салаларындағы екіжақты ынтымақтастықты дамыту мәселелері қаралады. Бұған дейін Тоқаев Өзбекстан Президентінің үлкен қызы Саида Мирзиёевамен кездесіп, Астанада өтетін «Заковат» халықаралық интеллектуалдық ойындары сияқты мәдени шаралар арқылы Орталық Азия халықтарының қарым-қатынасына, етене жақын араласуына назар аударған болатын.