Астанада «Шапағат» базарында алапат өрт шықты

Астанада «Шапағат» базарында өрт шықты, деп хабарлайды Orda.kz.

Төтенше жағдайлар министрлігінің мәліметінше, өрт Сарыарқа ауданындағы бутиктердің бірінен шыққан. Қазіргі уақытта, өрт сөндірушілер жұмыс істеп, келгендерді эвакуациялап жатыр. 

Зардап шеккендер туралы ақпарат жоқ. Белгілі болғандай, өрт аумағы шамамен 400 шаршы метр болады. Төтенше жағдайлар министрлігінің хабарлауынша, оқиға орнында жедел штаб құрылған.

«Үш жауынгерлік учаске ұйымдастырылды. Өрт орнына су үш автоцистернамен жеткізілуде, 70-тен астам жеке құрам қызметкері жұмыс істеп жатыр, 20 техника жұмылдырылған» делінген ведомство хабарламасында.

Қазір уақытта ведомство өкілдері өрттің сөндірілгенін хабарлады.