Астанада салынып жатқан тұрғын үй кешені қайта бұзылып жатыр

«Елім-ай сити» тұрғын үй кешенін салушы жұмысты заң бұзушылықпен орындаған, деп хабарлайды Orda.kz порталы.

Қалалық ортаны бақылау және қалалық ортаның сапасы департаменті құрылыс салушыға айыппұл салып, бұзушылықтарды жоюды талап етті.

«Басшылық құрылыс салушыны сараптамадан өткен мүлікті бастапқы жобаға қайтаруға мәжбүрлеу туралы экономикалық сотқа талап-арыз берді» деп хабарлады елорда әкімдігі. 

Құрылыс салушы қазір тұрғын үй кешенін жобаға сәйкес келтіру үшін заңсыз салынған құрылыстарды бұзып жатыр.

Екі тұрғын үй кешенінде (Нұра ауданы, Қорғалжыі тас жолы мен Е127 көшесінің қиылысында) 12 пәтер бұзылып жатыр.