Астанада пара беруге итермелеген полиция командирі ұсталды

Астана қаласы полиция департаментінің ЖПҚ ротасының командирі пара беруге итермеледі деген күдікке ілінді.

Астана қаласы бойынша Сыбайлас жемқорлыққа қарсы қызмет Астана қаласы Полиция департаментінің жол-патрульдік қызмет ротасының командиріне қатысты сотқа дейінг іске тергеу жүргізіп жатыр.

«Лауазымды адам азаматтық іс бойынша оң шешім қабылдағаны үшін прокуратура жанындағы Материалдық-техникалық қамтамасыз ету басқармасының бұрынғы қызметкері «Ж» атты азамат арқылы сот жүйесі қызметкерлеріне ірі мөлшерде пара беруге итермеледі деп күдікке ілінді. «Ж» есімді азамат прокуратурада әкімшілік лауазымды атқара отырып, жедел қызметкер болмаған. Қылмыс жасау кезінде жұмыссыз болған. Ағымдағы жылдың 8 маусымында тергеу соты санкциясымен аталған адамдар қамауға алынды» деп жазылған агенттік хабарламасында.

Айта кетейік, сотқа дейінгі тергеп-тексеру жалғасуда. ҚР ҚПК 201-бабына сәйкес тергеу мүддесіне сәйкес өзге ақпарат жария етуге жатпайды.