Астанада «НК Продкорпорация» басшылары сотталды

Елорданың қылмыстық істер жөніндегі ауданаралық соты «НК Продкорпорация» АҚ қаржы департаментінің директоры Жұмаділов пен бас маман Әбеновке қатысты үкім шығарды.

Бұл туралы Антикор хабарлады.

Олар бұрын құжат жинау кезінде көрсеткен қызметі үшін, сондай-ақ астық түріндегі тауарлық несие беру туралы келісімге қол қоюға көмектескені үшін кәсіпкерден пара алды деген күдікке ілінді.

Сот мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айыра отырып, жалпы сомасы 48 миллион теңге  айыппұл салды.

Қалалық прокуратура жазаны бас бостандығынан айыру жазасына өзгертуді сұрап отыр.
Үкім заңды күшіне енген жоқ.