Астанада Назарбаевтың ескерткіші алынып тасталды

Астанадағы Ұлттық қорғаныс университетінің аумағынан тұңғыш Президент Нұрсұлтан Назарбаевтың 2020 жылы 80 жылдығына орай салтанатты түрде ашылған ескерткішті алып тастады. Бұл туралы ақпарат әлеуметтік желілерде пайда болды, деп хабарлайды Orda.kz порталы. 

Ұлттық қорғаныс университетінде ескерткіштің шынымен алынып тасталғанын растады және ол қазір қоймада екені айтылды. 

Бірнеше портал журналистері университет маңына барпы көргенмен оларға ішіне кіруге рұқсат берілмеді. Сондықтан ескерткіштің нақты алынып тасталғанын растайтын суреттер әлі желіде шықпаған.