Астанада мас болып көлік жүргізген судья ұсталды

Астанадағы азаматтық істер жөніндегі ауданаралық соттың судьясы Әсел Досаева мас болып көлік айдап бара жатқан жерінен ұсталды, деп хабарлады Orda.kz.

Оқиға әлеуметтік желілерде тарағаннан кейін полиция департаменті түсініктеме берді. Мәліметке қарағанда, судьяны патрульдік полиция кезекті рейд кезінде ұстаған. Ол Mazda көлігін алкоголь ішімдігін ішіп алып айдаған.

Полицияның хабарлауынша, сараптама жүргізушінің мас күйінде болғанын растаған. Көлік коммуналдық тұраққа қойылып, тексеріс басталған.

«Мұндай жағдайлар заң бойынша қатаң қаралады», — деді департамент өкілдері.

Соттың баспасөз қызметі бұл іске қатысты материалдар әзірге түспегенін хабарлады.

«Конституцияға сәйкес, судьяны арнайы рәсімсіз ұстауға болмайды», — деді сот өкілі.