Астанада қызға шабуыл жасаған күдікті Семейге қашып кеткен

Астана тұрғынына шабуыл жасаған күдікті Семей маңында ұсталды.

Оқиға 12 ақпан күні Астанада болды. Бейтаныс ер адам адам қызға шабуыл жасаған. Осы оқиғадан кейін күдікті бірден "ізін суытқан". Оған іздеу салынды.

Келіп түскен бағдар бойынша Абай облысының полиция департаментінің қызметкерлері жұмылдырылды.

Күзет патрульдері сағат 06:00 шамасында Семейге кірер жолдағы "Ертіс" бақылау пунктінде Тоyота автокөлігінің салонында жолаушы ретінде отырған күдіктіні байқады. 

Қазіргі уақытта күдікті ұсталып, жақын арада астанылық әріптестерге тапсырылады.