Астанада қоғамдық көліктің ақысы 1 тамыздан бастап өседі

2024 жылдың 1 тамызынан бастап Астанада қоғамдық көлікте жүру ақысы 90 теңгеден 110 теңгеге көтеріледі.

Бұл туралы Астана қаласының ішкі саясат басқармасы мәлімдеді.

Бір ескеретін жайт, 2020 жылдың наурызынан бастап Астанада және оның маңайындағы ауылдарда білім алатын 18 жасқа дейінгі балалар үшін қоғамдық көлікте жүру тегін болып қала береді. Олардың  мектеп оқушысы екенін көрсететін көлік картасы болуы керек.

 Сонымен қатар, қоғамдық көлікпен тегін жүре алатын азаматтар:

• 1) Ұлы Отан соғысының ардагерлері мен мүгедектері және солармен теңестірілген тұлғалар;
• 2) Зейнеткерлер, оның ішінде мемлекеттік әлеуметтік жәрдемақылар алушылар, зейнеткерлік жасқа жеткендер;
• 3) Көпбалалы аналар;
• 4) Көпбалалы отбасылар;
• 5) Мүгедектер;
• 6) 18 жасқа дейінгі мүгедек балалар және олардың ата-аналары (заңды өкілдері);
• 7) 1986 жылғы 17-18 желтоқсан оқиғаларына қатысқан саяси репрессияға ұшыраған жандар, Қазақстан Республикасының «Саяси репрессия құрбандарын реабилитациялау туралы» заңына сәйкес ақталған азаматтар.