Астанада «ҚазАвтоЖолдың» экс-басшысы ұсталды

«ҚазАвтоЖол» ҰК» АҚ басқармасының экс-төрағасы Асқар Мұратұлын Қаржы мониторингі агенттігінің Астана қаласы бойынша департаменті ұстады.

Асқар Мұратұлы екі айға қамауға алынды.

«Бір көзден алу тәсілімен заңсыз мемлекеттік сатып алу жолымен аса ірі көлемде бюджет қаражатын ұрлады деген күдікпен Астана қаласы бойынша АФМ департаменті Бас көлік прокуратурасының келісуімен «ҰК «ҚазАвтоЖол» АҚ басқармасының бұрынғы төрағасы Асқар Мұратұлы ұсталды» делінген ҚМА хабарламасында.

Сот күдіктіге қатысты екі ай мерзімге «қамау» түріндегі бұлтартпау шарасын санкциялады.

Асқар Мұратұлы 2021 жылдың сәуірінен 2022 жылдың ақпанына дейін «ҚазАвтоЖол» ұлттық компаниясын басқарды.