Астанада Қазақстан мен Түркия сыртқы істер министрлерінің кездесуі өтеді

Астанада Қазақстан мен Түркия Сыртқы істер министрлері Мұрат Нұртілеу мен Хакан Фидан кездеседі.

Бұл туралы Сыртқы істер министрлігінің баспасөз қызметі хабарлады.

«Түркия Республикасының Сыртқы істер министрі Хакан Фидан Қазақстан Республикасының Сыртқы істер министрі Мұрат Нұртілеумен келіссөздер жүргізу үшін Қазақстанға ресми сапармен келді» делінген хабарламада.

Кездесу қорытындысы бойынша бауырлас екі республиканың сыртқы істер министрлері мәлімдеме жасайды деп күтілуде.