Астанада Kaspi bank бөлімін тұтқынға алған азаматқа үкім шықты

18 маусымда Астанадағы Kaspi Bank бөлімшелерінің бірінде адамдарды тұтқынға алған Әлихан Мұрадов жеті жыл алты айға бас бостандығынан айырылды.

«Әлихан Мурадовқа 261-баптың 2-бөлігінің 4 және 8, 9-тармақтары бойынша «Қару  немесе қару ретінде пайдаланылатын заттар арқылы екі немесе одан да көп адамды кепілге алғаны үшін» 7 жыл 6 айға бас бостандығынан айыру жазасы тағайындалды»,-  деп атап өтті судья Әбинұр Қарабаев.

Бұған дейін прокурор соттан Мурадовты қауіпсіздігі орташа мекемеде 8 жылға бас бостандығынан айыруды сұраған болатын.

Естеріңізге сала кетейік, 18 маусымда Астанада қарулы адам Kaspi Bank-тің жеті қызметкерін тұтқынға алған болатын. Шабуылшы банктің барлық активтерін балаларға, сондай-ақ науқастарға, мүгедектерге және кедейлерге арналған қорға аударуды талап етті. Әйтпесе кепілге алынғандарды өлтіремін деп қорқытты.